كتبت - رحاب عنتر
أعرب المطرب الشعبي محمود الليثي، عن سعادته بحب الناس له أثناء تلقيه عزاء والدته، كما وضح أن لدية عقدة نفسية من تعدد الزوجات، مؤكدًا أنه يرفض ذلك ولا يستطيع أن يفعل ذلك بزوجته.
وتحدث محمود الليثي، في لقاءه مع الإعلامية هبة الأباصيري، خلال فعاليات مهرجان العلمين، عن علاقته بزوجته ومدى حبه له، قائلًا: "مراتي مبتغيرش عليا، وهي عارفة إني بحافظ عليها، بس بتقولي خلي بالك فلانة بتبصلك وأنا بحط حدود على طول، ومراتي هي النعمة في حياتي ووش السعد عليا وشُفت الخير كله معاها، أنا بحبها وبخاف عليها جدًا".
وأضاف محمود الليثي موضحاً علاقته بشقيق زوجته، قائلًا: "هي بنت ناس جامدين أوي في السيدة، وأخوها الله يرحمه كان عمري ووش السعد والهنا وخيره عليا ليوم الدين، وأنا مسمي ابني على اسمه".
وتابع الليثي مشيرًا إلى أن قلب الرجل لا يساع إلا إمرأة واحدة، وقال: "أنا مش مقتنع إن قلب الراجل يسيع أكتر من ست واحدة، أنت ترضى تنيم اللي حبيتك زعلانة ومقهورة؟ أنا عندي عقدة نفسية من الحكاية دي، مفيش راجل يقدر يعدل بين 2 ستات، هتقول لكل واحدة فيهم بحبك إزاي، هتكذب مرتين؟".
وعن جنازة والدته، وضح محمود الليثي أنه لم يكن يتوقع مدى حب الناس له، وقال: "دفنة أمي كان فيها 1500 عربية
كما أعرب محمود الليثي، عن امتنانه الكبير لجميع من سانده في وفاة والدته، قائلًا: بعد اللي أنا شُفته من الناس في عزاء أمي، أنا جالي ناس قيمة وقامة مهندسين ودكاترة ومعلمين وأنا مكنتش مصدق أن ده عزا، حتى في الدفنة كانت أكتر من 1500 عربية، وروحت عملت حج لـ أمي وأول ما رجعت قولتلهم أنا لو بطلت الشغلانة دي كفاية عليا حب الناس اللي أنا شُفته".